Vuçiç: Kurti do që Serbia ta njohë Kosovën, por kjo nuk ndodh

Presidenti i Serbisë, Aleksandër Vuçiç nga Hungaria është shprehur se Kosova po përpiqet që me këtë vendim të kërkojë njohjen e saj si shtet i pavarur. Po ashtu Vuçiç theksoi për mediat, se Serbia nuk do ta njohë Kosovën, teksa pohoi se bisedimet në Bruksel do të vazhdojnë veç pasi të hiqet vendimi për reciprocitetin e targave.

”Ne u thamë atyre, nuk ka problem, tërhiqni ROSUN dhe do të flasim. Çfarë veprimesh bëri Serbia? Mos e dërgoj ushtrinë apo policinë? Jo. Serbia kësaj radhe nuk ka bërë gjë. Të gjithëve u pengon një Serbi e fortë. Ata duan që Serbia t’i njohë. 

E përsëris, ktheni të gjitha në gjendjen që ishte para 20 shtatorit, e ndoshta mund të flasim. Thërrisni NATO-n, telefononi këdo, por nuk do të merrni pëlqimin e Serbisë. Ata kanë interesat e tyre, e kjo është që Kosova të jetë e pavarur e ta detyrojë Serbinë të marrë pjesë në atë që nuk është në interes të saj.

Çfarë është ajo që kemi bërë? Kur filloni të gënjeni kështu vazhdon. Ju shesin 5 kilogramë portokaj për 1000 dinarë. E pastaj vijnë policët e të thonë edhe 300 dinarë. Unë nuk paguaj reket dhe nuk do të jap ato 300 dinarë”.