Vuçiç: Serbët s’e votuan Thaçin për president

Kryeministri serb, Aleksandër Vuçiç, ka thënë sot se, nuk është aspak i gëzuar dhe i kënaqur me zgjedhjen e Hashim Thaçit si president të Kosovës, por ka thënë se, kjo ka qenë zgjedhja e shumicës shqiptare.

Vuçiç ka thënë për gazetarët se, deputetët serbë nuk e kanë votuar Thaçin dhe se, për këtë, nuk kanë pasur ndonjë marrëveshje me Beogradin zyrtar.

Ai ka thënë se, votimi i deputetëve serbë ka qenë në përputhje me interesat e tyre dhe në bazë të ndërgjegjes së tyre, transmeton “Koha.net”.

Vuçiç ka shtuar se, serbët nuk kanë votuar as kandidatin tjetër për president.

“Për këtë kanë mbështetjen time”,- ka thënë Vuçiç. Ndërsa në lidhje me një takim të përfolur mes Thaçit dhe Marko Gjuriqit, ai tha se, nuk dëshiron ta komentojë.