Wesley Clark sot në Kosovë, Abdixhiku i akordon sot dekoratën “Dr. Ibrahim Rugova”

Gjenerali amerikan në pension, Wesley Clark, sot do të jetë për një vizitë në Kosovë.

Ai do të pritet në takim edhe nga kryetari i Lidhjes Demokratike të Kosovës, ku kreu i kësaj partie do të ndan për të Dekoratën dr.Ibrahim Rugova, për kontributin e tij për çlirimin e Kosovës, transmeton Telegrafi.

Sipas, njoftimit të bërë nga LDK, takimi do të nis rreth orës 09:00.

“Në Selinë Qendrore, kryetari i Lidhjes Demokratike të Kosovës me bashkëpunëtorë pret në takim Gjeneral Wesley Clark. Kryetari Abdixhiku po ashtu Gjeneralit Clark i ndan Dekoratën dr. Ibrahim Rugova, për rolin historik dhe kontributin e tij për çlirimin e Kosovës”, thuhet në njoftim.

Ndryshe, 25 vjet pas ndërhyrjes së NATO-s për të ndalur spastrimin etnik në Kosovë, gjenerali Wesley Clark kishte thënë se është krenar për operacionin që ai udhëhoqi dhe se rrjedha e ngjarjeve që kulmoi me pavarësinë e Kosovës, u diktua nga brutaliteti i forcave serbe.

Clark shërbeu si Komandant Suprem i Aleatëve në Europë i NATO-s nga viti 1997 deri në vitin 2000, duke komanduar Operacionin e Forcave Aleate gjatë luftës në Kosovë. /Telegrafi/