Zbogar: S’ka azil në BE, të gjithë do të kthehen mbrapsht

Shefi i Zyrës së Bashkimit Evropian në Kosovë, Samuel Zhbogar, ka bërë të ditur se asnjë shtet i BE-së nuk do të pranojë azil për kosovarët, duke thënë se ata do të kthehen, edhe më të varfër, sepse do të dënohen.

Këtë deklaratë ai e ka thënë në mbledhjen e Këshillit për Integrim Evropian që po mbahet në Prishtinë e udhëhequr nga presidentja Atifete Jahjaga.

“Kërkesat për azil nuk do të pranohen nga asnjë shtet i BE-së.

Shumica do të refuzohen dhe ata do të riatdhesohen në Kosovë dhe kur të kthehen do të bëhen më të varfër sepse do të dënohen”, ka deklaruar Zhbogar.