Zgjedhja e Presidentit të ri të Shqipërisë, Vjosa Osmani: Do të punojmë për thellimin e raporteve vëllazërore

Presidentja e Kosovës Vjosa Osmani ka uruar Bajram Begajn për zgjedhjen në postin e Presidentit të Shqipërisë.

Me anë të një postimi në rrjetin social Facebook, Osmani ka nënvizuar se do të bashkëpunojë në të ardhmen që raportet vëllazërore ndërmjet Kosovës e Shqipërisë të thellohen edhe më tej

“Urime të përzemërta për presidentin e sapozgjedhur të Shqipërisë, z. Bajram Begaj! Ju uroj suksese në rolin tuaj të ri dhe shumë të rëndësishëm.

Së bashku do të punojmë që raportet vëllazërore ndërmjet Kosovës e Shqipërisë t’i thellojmë edhe më tej, si dhe t’i sjellim vendet tona më afër BE-së”, ka shkruar ajo.