Zgjedhjet në Kosovë pa OSBE, KQZ do t’i organizojë vetëm

Për herë të parë, Komisioni Qendror i Zgjedhjeve po planifikon t’i organizojë i vetëm zgjedhjet në veri te Kosovës, pa asistimin e organizatave ndërkombëtare.

Kryetarja e Komisioni Qendror të Zgjedhjeve, Valdete Daka tha se ata janë të mendimit të mos marrin as asistencën e OSBE-së, e cila për vite me radhë ka ndihmuar Kosovën në organizimin e zgjedhjeve.

Daka ka bërë të ditur se megjithatë, në zgjedhjet e 6 tetorit do të jenë misionet vëzhguese të dërguara nga Bashkimi Europian.