Konflikti për lopën mes bashkëfshatarëve, mund të shkaktonte një tragjedi

Sherri për lopën që kishte hyrë për kullotë, mund të shkaktonte një tragjedi. Rasim Tafa mbeti i plagosur këtë mbrëmje pas një konflikti të çastit me bashkëfshatarin e tij në fshatin Gjormë të Kurbinit. Ngjarja ndodhi rreth orës 20:15, kur 41-vjeçari Met Lika mori armën e zjarrit dhe plagosi 53-vjeçari.

Tafa u dërgua me urgjencë në spital për të marrë trajtim mjekësor. Vetëm pak minuta pas plagosjes, policia kapi autorin që u shoqërua në komisariatin e Kurbinit për veprime të mëtejshme procedurale.

Mund të themi se kjo është ngjarje e përsëritur pasi një ditë më parë u regjistruan të shtëna me armë zjarri pas mesnate në Laç. Për pasojë mbeti i plagosur Besim Zeneli, 60 vjeç, i cili ka qenë në dyqanin e tij, kur është qëlluar me armë zjarri drejt tij.