Arben Ahmetaj dhe Delina Ibrahimi kryejnë me sukses operacionin më të madh te Eurobondit 10 vjeçar

Sot qeveria shqiptare ka kryer një operacion të suksesshëm financiar.

Shqipëria emeton me sukses Eurobondin e ri 10-vjeçar. Ditën e sotme Republika e Shqipërisë doli në tregjet ndërkombëtare financiare me një obligacion ndërkombëtar të ri 10-vjeçar në vlerën prej 650 milionë euro me një kupon prej 3.50% me interes 3.75%.

Procesi u drejtua nga Zv. Kryeministri Z. Arben Ahmetaj dhe Ministrja e Financave dhe Ekonomisë Znj. Delina Ibrahimi.

Të dy janë specialistë të njohur me financat ndërkombëtare, me bursat dhe administrues të vëmëndshëm të tregjeve botërore.

Investitorët e huaj treguan konfidencë duke shprehur interes në ofertat që kaluan 1.8 herë vlerën e kërkuar. Sipas qeverisë, ky ishte një test real për ekonominë shqiptare, që rikonfirmon besimin e tregjeve në qëndrueshmërinë e ekonomisë shqiptare edhe në kohë të vështira, pas goditjes se tërmetit dhe pandemisë.

Ky ishte dhe tregues se ekonomia shqiptare po ecën mirë dhe se ka garanci në tregjet e huaja si ekonomi stabile.