“Bashkë do ia dalim”. Mesazhi prekës i mjekëve dhe infermierëve të Infektivit

Në një kohë kur ka nisur të bëhet politikë me koronavirusin, mjekët dhe infermierët janë në krye të detyrës duke bërë punën e tyre në një situatë të jashtëzakonshme.

Të veshur me veshjet e specializuara, mjekët, infermierët, sanitaret e spitalit ‘Infektiv’ janë në krye të detyrës dhe kanë një mesazh për të gjithë shqiptarët, e sidomos fjalia e fundit e thënë nga ata, është ajo që duhet të mos e harrojmë në asnjë moment. Më poshtë po ju sjellim albumin me fotot nga ‘Infektivi’ të postuar nga një infermiere, ku mesazhi i tyre dhe veshja profesionale na mbush me shprese, pasi ata janë padiskutim heronjtë e heshtur.

“Per te gjithe ju qe na shihni cuditshem kur ne futemi te godina e spitalit Infektiv , te kthyer ne karantin tashme⛔️❌. Jemi ne infermieret,mjeket,sanitaret ato që kemi qene gjithmon ne sherbimin tuaj veçse tani ka ndryshuar uniforma jone. Por ne jemi serisht te njejtet vecse ne nje mision te veshtire qe të gjithe ju sdo e kuptoni! Ne jemi me të rrezikuarit nga te gjithe , ne rrezik esht dhe familja jone ndaj Ju lutem mos na shihni cuditshem e mos na pyesin si ja dalim! 

Se ne të gjithe bashke ja dalim dhe të gjithe bashkë do dalim shendosh e mir nga ky mision ! Me mbeshtetjen e madhe te shefes sone prof. Najada Çomo do ja dalim jam e bindur per kete !Ju lutem ju qendroni ne shtepi ! Ama ne nuk mundemi ! Lutem per stafin tim , per Kliniken e pare te spitalit infektivit ! ??????