Ben Blushi: Kutitë e votimit për referendumin janë mbushur që sot

Një ditë para zhvillimit të referendumit të PS, deputeti Ben Blushi ka qenë sot në Dibër. Ai u ka bërë thirrje të gjithë dibranëve që të denoncojnë të gjitha problematikat dhe parregullsitë e referendumit të nesërm, duke hedhur akuzën se kutitë e votimit janë mbushur me vota që këtë të premte, pa filluar ende votimi.

“Një referendum ku asgjë nuk është reale dhe normale. Ku kutitë e votimit janë të mbushura pa filluar ende votimi. Një referendum ku socialisti i vërtetë nuk e gjen emrin ose më saktë ku nuk ka lista zgjedhësish”, u shpreh Blushi.

Blushi akuzoi përsëri Kryeministrin Rama si shkaktarin kryesor të drejtimit aspak të mirë të PS-së, duke u thënë dibranëve se Shqipëria nuk po qeveriset nga Partia Socialiste, por nga Rilindja.

“Nëse Berisha vidhte votat tona… Edi Rama do hyjë në histori si kryetari që vjedh votat e anëtarëve të partisë që ai drejton”- ka thënë Blushi në një takim që ka bërë në Dibër.

http://www.kohajone.com/2016/04/08/hafizi-socialisteve-mos-u-beni-pjese-e-kesaj-farse/