Berisha: Duhet të fuqizojmë PD-në, por edhe duke larguar Lulzim Bashën

Ish-kryeministri Berisha ka sulmuar dhe ironizuar Lulzim Bashën sot në një takim me demokratët në Tiranë.

“Kryetari ynë, më falni ish-kryetari jonë u mor me karrigen e tij…. Lapsus. Zoti Basha u mor me karrigen e tij. Në atë kohë. Berisha doli “non grata” me një akuzë që ajo nuk ka asnjë fakt dokument dhe argument.” tha Berisha.

Me tej Berisha theksoi se “Lulzim Basha në një akt të pashembullt mendoj unë në historinë e një vendi dhe të një shteti. Pa pyet asnjë njeri del dhe komunikon përjashtimin e Sali Berishës duke i futur një thikë pas shpine mua është njëra anë, por të gjitha parimeve mbi të cilat është ngritur Partia Demokratike. Kjo parti është liri e të drejtave njerëzore. Është parti e të drejtave. Janë gardiane të interesit kombëtar. Ju futi thikë pas shpin forumeve të PD-së. Thirri koordinator. Po kujt i futi thikën tjetër ai? Juve dhe anëtarëve të PD-së. Vullnetit tuaj të shprehur në forume. Ky i asgjësoi të gjitha. Prandaj dhe ja ku jemi. Por tani vëreni vetën në pozitat e dy zgjedhësve.” shtoi Berisha.

Me pas ish-lideri i PD-së kërkoi falje për Bashën që ua solli në krye të PD.

“Jam këtu për të kërkuar një ndjesë publike. Kam takime nga mëngjesi deri në darkë dhe deputët, me demokratë të thjeshtë pa përjashtim. Nga të gjithë më kanë thënë hapur në sy. Ne atë nuk e kemi dashur, por ne atë e kemi mbështetur nga se e mbështet doktori. Mund të ju duket çudi por unë ua them që nuk e njihja këtë në këto përmasa. Se i kisha mbyllur hesapet dhe punoja vetëm për interesa të PD-së dhe në 8 vite ju garantoj që nuk gjen me gishta të dorës që të kem arritur ti promovojë në PD. Përkundrazi ka ndodhur një spastrim i heshtur i të gjithë atyre që kishin bashkëpunuar. Dhe nuk i thash se mendoja që do të punojë me njerëzit e tij. I shihja të tjerët të largoheshin. Nuk mendoja që njerëzit të mendonin që Basha të kishte mbështetje pa kushte. Kërkoj ndjesë. Nuk jam pajtuar por si njeri i betuar që nuk kthehem më. Nisja ime është pa kthim. E dyta isha i betuar që një po të mbetet i dyti do jem unë. Nuk kisha projekt, por humbi zgjedhjet”- nënvizoi Berisha.

“Jep dorëheqjen i kam thënë në 2017. Jo më tha nuk e jap. Erdhën dhe i mori të gjitha vendimet por këtu ka bërë për interes të karriges dhe ka deklaruar fshehtas se vendimet i merr Berisha. Personalisht u garantoj që po të hapim llogaritë vendimet e mia kanë qenë që këto zgjedhje të mos bojkotohen se ishim në rrugë me djegien e mandateve”- u tha ai të pranishmeve.

Ish-kryeministri tha se do të shkojë në çdo rreth për fuqizuar PD dhe larguar Bashën që mbetet i pabesë dhe i blerë nga Edi Rama.