Endrra kryeministrore: Do jem në pushtet deri në vitin 2030!

Edi Rama e ndjen me shumë se kushdo nga Rilindja se me 25 prill ai humb pushtetin. Por për të karikuar bateritë e mbështetsve ai ka kaluar në sulm, duke bërë të fortin. Sulmoi ambasadoren e SHBA, më pas iu turr ambasadorit britanik dhe nuk la gjë pa thënë kundër Koordinatorit për Politikë të Jashtme të Parlamentit Europian, Michael Gahler.

Fjalori dhe inati i tij ia kalonte edhe Enver Hoxhës, dikur.

Tonet dhe fjalët tregonin realisht frikën që ka kapur Udhëheqësin e Rilindjes, sepse ndjen se edhe tre muaj do jetë kryeministër, pasi 25 prilli do të sjellë qeveri të re e cila do merret edhe me Ramën, përveç halleve të tjera ekonomike të shqiptarëve.

Ndaj duke luajtur sikur mbetet i fortë në konferencën e shtypit fliste me autoritet diktatorial, ndërsa këmbët i dridheshin nga paniku.

Ai tha se do jetë në pushtet deri në vitin 2030. Ky ishte si sinjal për grupet krimiale që realisht janë frikësuar këto javë, duke ndjerë erën e ndryshimit të pushtetit për t’iu thënë se “mos më braktisni”. Në të vertetë grupet kriminale e nuhasin si minjtë tërmetin, ikjen e një pushteti. Dhe Rilindja është pushtet i tyre.

Por braktisja ka filluar për Rilindjen. Fantazitë me filma me sherifë të kryeministrit nuk gënjejnë më askënd. Të gjithë e dijnë se ka mbaruar vaji i kandilit të Edi Ramës.