Gjykata Kushtetuese: Nuk kemi ende kuorumin për vendime, por njohim Marsida Xhaferllarin

Gjykata Kushtetuese ka reaguar përmes një deklarate në faqen e saj zyrtare, lidhur me rezolutën e miratuar sot në seancën e jashtëzakonshme plenare.

Lidhur me rezolutën kundër kreut të shtetit për zgjedhjen e anëtarëve të kësaj gjykate, Gjykata Kushtetutesë thekon se i nënshtrohet vetëm Kushtetutës së Republikës së Shqipërisë.

GJK deklaron se tre anëtarët e dekretuar janë Marsida Xhaferllari, Fjona Papajorgji dhe Elsa Toska. Ndërkohë Arta Vorpsi nuk është e dekretuar dhe as ka bërë betimin, por ka marrë vetëm një deklarate të noterja. Pra GJK njeh si anëtare Marsida Xhaferllarin.

Deklarata e plotë e Gjykatës Kushtetuese:

Jemi njohur me Rezolutën e miratuar nga Kuvendi i Shqipërisë sot, në datën 15.11.2019, për “Shmangien e krizës kushtetuese me synim legjitimitetin e Gjykatës Kushtetuese – detyrë imperative e organeve më të larta të shtetit”.

Në citim të Kushtetutës, Gjykata Kushtetuese e Shqipërisë zgjidh mosmarrëveshjet kushtetuese dhe bën interpretimin përfundimtar të saj. Gjykata Kushtetuese i nënshtrohet vetëm Kushtetutës.

Për sa më sipër, lidhur me Rezolutën e miratuar nga Kuvendi i Shqipërisë, Gjykata Kushtetuese sqaron se, edhe pas plotësimit të disa prej vakancave në përbërjen e saj, nuk e ka ende kuorumin e nevojshëm për të shqyrtuar dhe vendosur në seancë gjyqësore lidhur me kërkesat që paraqiten përpara saj. Për këtë arsye ajo nuk mund të ushtrojë kompetencat e saj thelbësore apo juridiksionale lidhur me zgjidhjen e konfliktit të kompetencave midis pushteteve apo organeve kushtetuese, si dhe as ato kompetenca që lidhen me shqyrtimin e kushtetutshmërisë së akteve të nxjerra nga organet e pushtetit publik.

Në këto kushte, Gjykata Kushtetuese si një institucion i pavarur, duke zbatuar Kushtetutën dhe ligjin e saj organik dhe legjislacionin në fuqi, si dhe praktikat administrative të ndjekura ndër vite, me qëllim sigurimin e kushteve normale për mbarëvajtjen dhe mirëfunksionimin e veprimtarisë së saj, është duke ndërmarrë të gjitha hapat e nevojshme administrative formale për fillimin e detyrës së tri anëtarëve të rinj, pas betimit të tyre para Presidentit të Republikës.

Lexoni edhe…

• Meta: Mafia e Rilindjes synon kapjen e sistemit të drejtësisë
• Rama: Jemi konsultuar me ekspertët ndërkombëtarë për Kushtetuesen
• Majko: Na duhet dialog, jo ecje në një drejtim të paditur
• Zbulohet skandali i Dvoranit. Konflikt interesi me gjyqet e një kompanie private
• Manja: Nuk ka asnjë shans që Meta të shpërndajë parlamentin!
• Lefter Maliqi: Revolucion demokratik për të mposhtur diktaturën
• Kuvendi miraton rezolutën kundër dekretit të Metës