Grida Duma: A është rinia sot idealiste, energjike, luftarake si rinia e 8 dhjetorit të viteve ‘90?!

A është rinia sot idealiste, energjike, luftarake si rinia e 8 dhjetorit të viteve ‘90?!

Është! Po është!

Ndoshta dhe më shumë është!

Shumëkush mund të guxojë e thotë që “atëherë ishte ndryshe ne luftonim” e shumë bla bla të tilla.

Unë kam qartësi të plotë që fajtorët e mëdhenj e ata që “shuajnë” forcën e të ardhmes; janë ata që e tregojnë historinë e shkuar si heroizëm dhe rininë e sotme si lirizëm.

Në çdo kohë; e vetmja forcë që e ka çuar përpara shoqërinë është e reja!

E reja dhe rinia është protagonisti dhe heroi i epokës së vet.

Sot rinia tregon të tjera heroizma! Heroizmat e durimit të zhvlerësimit nga merita. Heroizmin e mbijetesës dhe kur bota bëhet lëmsh në nje shoqëri ku suksesi dhe aftësia nuk shkojnë paralel. E prapë e prapë ata luftojnë. Ikin e vijnë por prapë luftojnē t’ia arrijnë.

Sot në këtë 8 Dhjetor dëgjova rrëfime shkrimtarësh e publicistesh, që vlenin t’i dëgjojë çdo i ri!

Ndërsa kujtuar vitet e tyre të rinisë dhe protagonizmit në 8 Dhjetorin ‘90, me përulje patën thirrjen që Shqipëria do ece kur mendësia e re, dhe jo e mykura komuniste, të udheheqe në çdo fushë.

E vetmja detyrë e sotme e atyre studentëve që nisën rrugën e lirisë; është të lënë stafetën tek rinia e studentët e sotēm.

Në 8 Dhjetor ‘90 studentët ishin shpëtimi, dalja nga bunkeri për Shqipërinë.

Përjete rinia do jetë shpëtimi dhe avancimi!