Kim Mehmeti për darkën e ministrave në Dubai: Si nuk kanë turp ato ministra?!

Kryesore E Diel, 10 Janar 2021 19:02

Nga Kim Mehmeti-

Mediat raportojnë për ahengun e qeveritarëve të ‘Rilindjes’ të shtruar në Dubai.

Çfarë paturpësie dhe pandjeshmërie e pushtetarëve të cilët posa e ndiejnë erën e mishit të pjekur, e harrojnë popullin që i ushqen, popullin që sot ‘mbytet’ nga rreshjet dhe dridhet nga i ftohti.

E në ndërkohë thonë se drekën ua paska paguar ndonjë princ arab?!

Me çka tregojnë sa nuk e kanë kuptuar se edhe si mysafir të cilitdo mbreti, darkat e drekat u shtrohen për nderë të popullit e shtetit që përfaqësojnë, andaj nuk u ka hije të sillen si njerëz perverzë të cilëve nuk ua kontrollon truri barkun, por stomaku trurin.

Po pra, sido që ta marrësh darka e pushtetarëve shqiptarë në Dubai shpalos dukjen e burrështetasve që nuk e kanë të zbrazur barkun, po trurin, gjë që i bënë të mos kenë turp e të jenë të pandjeshëm ndaj popullit që ua mundëson gjitha ato privilegje.

Shënim i redaksisë: Shikoni sa janë çmimet për një pjatë në këtë restorant! Një pjatë me “Nusret Golden Steak” kushton 1250 euro ose 1milion e 500 mijë lekë të vjetra.