Lefter Maliqi paralajmëron Ditmir Bushatin: Ruhu nga krimi dhe Edi Rama!

Deputeti Lefter Maliqi ka reaguar në lidhje me qëndrimet kritike të ish-ministrit të Jashtëm, Ditmir Bushati ndaj kryeministrit Edi Rama.

Maliqi i sugjeron ish-ministrit të ruhet dhe të marrë masa për të mbrojtur jetën e tij, pasi ka përballë një kryeministër të lidhur me krimin dhe mafien.

“Ditmir Bushati duhet të ruhet nga ky kryeministër, Rama është i lidhur me krimin, hedh gurin dhe fsheh dorën. Bushati të ruhet, të ketë frikë për jetën. Për politikën në PS është i djegur ai sa të jetë Rama, por të ketë frikë për jetën. Mos u duket ndonjë habi se mafia kjo është. Drejtoi gishtin ai ndaj prokurorit…”,- tha deputeti Maliqi.

Deklarata e fortë e Lefter Maliqit, i cili ka një përvojë të gjatë në institucionet e sigurisë, vjen pas kritikave që Bushati ka bërë ndaj qeverisë “Rama”. Ish-ministri deklaroi pak ditë më parë se “modeli ynë dështoi”, pra Rilindja dhe qeveria e PS. Bushati ju referua dështimit të PS me kandidatin që vendosi në Shkodër dhe që rezultoi me precedentë penalë.

Po ashtu, Bushati këto ditë ka dalë edhe kundër disa nismave të dyshimta ligjore të PS në politikën e jashtme. Ish-ministri është i vetmi zë publik kundër qeverisë “Rama” që ka kritikuar mënyrën sesi mazhoranca po sillet me krizën politike dhe me integrimi në BE.

Për këto arsye, Bushati është vënë shpreh objekt të sulmeve edhe nga brenda Partisë Socialiste. Në jo pak raste, Edi Rama e ka sulmuar ashpër dhe në mbledhjen e mbyllura të partisë.

Pas këtyre kritikave brenda forumeve të partisë dhe në media, paralajmërimi i Lefter Maliqit që ish-ministri të ruhet nga ndonjë sulm i krimit është një deklaratë e fortë që tregon se përplasja ka arritur në nivelet më të larta.

VIDEO/Deklarata e Lefter Maliqit për Ditmir Bushatin