Meta: I shoh në rrezik patronazhistët, njerëzit janë nervozuar shumë me ata!

Presidenti i Republikës Ilir Meta, në një intervistë për TV Skampa në Elbasan, iu rikthye edhe një herë çështjes së patronazhistëve të PS-së që përgjojnë qytetarët për bindjet e tyre politike.

Sipas kreut të shtetit, patronazhistët janë në rrezik pasi të gjithë janë vënë në kërkim, ndërsa apeloi për qetësi te qytetarët.

Presidenti Meta: Po i shoh në rrezik patronazhistët, sepse tani të gjithë janë vënë në kërkim të tyre. Unë u bëj thirrje qytetarëve të ruajnë qetësinë dhe të dëgjojnë mesazhet e mençura të klerikëve tanë fetarë për të shkuar paqësisht drejt 25 prillit.