Nusja vdes gjatë dasmës, por familja e zëvendëson për të mos prishur festën

Një ngjarje e pazakontë ka ndodhur në Indi, edhe pse brenda saj ka vdekje. Një nuse vdiq pas një ataku kardiak gjatë dasmës së saj në Indi dhe familja e fatkeqes vendosi që ta zëvendësonte me motrën e saj, vetëm e vetëm që të mos prishej festa.

Ngjarja ndodhi në Uttar Pradesh, por ka bërë xhiron e botës për shkak të situatës irreale që pasoi tragjedinë. Pasi thirrën mjekun, i cili nuk arriti dot ta shpëtonte nusen, të dyja familjet nuk vendosën të mbyllnin dasmën, por menduan se gjëja më e mirë për t’u bërë ishte që dhëndrri të martohej aty për aty me motrën e së ndjerës.

Festimet vijuan, trupi i nuses u fut në një dhomë, për t’u dërguar në krematorium pas dasmës. ”Ishte vendim i vështirë për familjen. Të dyja palët u ulëm për të diskutuar se çfarë do të bënim dhe dikush sugjeroi që nusja të zëvendësohej nga motra e saj e vogël. E diskutuam këtë variant dhe ramë dakord. Por ishte shumë e vështirë për ne. Një nga vajzat tona ishte e vdekur në njërën dhomë, ndërsa vajza tjetër po martohej”.