Pas vendimit të KAS, PD dërgon në KQZ deklaratën solemne të firmosur nga Alibeaj

“Kryetar i Komanduar i Partisë Demokratike Enkelejd Alibeaj”. Kështu thotë deklarata solemne e mbërritur në KQZ, e firmosur nga Alibeaj dhe përfaqësuesi ligjor Indrit Sefa.

Deklarata e angazhimit solemn me firmën e Enkelejd Alibeajt, në cilësinë e kryetarit të komanduar të partisë, për zgjedhjet e 14 majit është dorëzuar sot në KQZ.

Dokumenti është dërguar në KQZ pas vendimit të KAS për regjistrimin e PD me kryetar Enkelejd Alibeajn duke kërkuar që të plotësohej dokumentacioni me firmën e tij.