Po foli ish-ministri Lefter Koka nuk ndalojnë arrestimet VIP në mazhorancë!

Sot në ditën e dytë të Vitit të Ri, ish-ministri Lefter Koka, shpresoi se do të dilte me një masë më lehtësuese, të paktën në arrest shtëpie.

Por ish-ministri i Mjedisit do të vijojë të qëndrojë në burg. Ky është vendimi i Gjykatës së Posaçme të Apelit. Në seancën e sotme, Apeli ka vendosur që të lë në fuqi vendimin e shkallës së parë dhe ish-ministri Lefter Koka do të qëndrojë në masën e sigurisë “arrest në burg”.

Tashmë shpresat për masë sigurie me të lehtë se sa burgu duken larg për Lefter Kokën. Me sa duket edhe ish-shokët në mazhorancë e duan në burg që të mos shikojë dritën e diellit.

Dosja e inceneratorëve mbetet dosja më përveluese për mazhorancën e PS-së. Nëse shkohet deri në fund nuk ndalojnë sirenat e furgonit të burgut duke marrë nga mazhoranca!

Por deri më sot Lefter Koka akoma nuk ka folur, ai ka thënë se ka zbatuar Ligjin.

Nëse flet ish-ministri Koka, kur ta shikojë se përfundimisht të gjithë e braktisën dhe do të mundohen t’ia faturojnë vetëm atij gjithçka për inceneratorët, ka mundësi të rrëfehet.

Rrëfimi i tij do të drithëronte krejt mazhorancën.