Ngjarja e Elbasanit duhet ti kalojë SPAK e jo prokurisë së Elbasanit

Kryesore E Mërkurë, 21 Prill 2021 16:26

Policia e Shtetit ka dhënë detaje për ngjarjen e sotme në Elbasan ku mbeti i vrarë Pjerin Xhuvani dhe u plagosën katër persona, mes të cilëve dhe një efektive policie.

Policia nuk jep detaje se cila ka qenë arsyeja e vertetë e konfliktit dhe nëse në makinën e Pjerin Xhuvanit janë gjetur euro apo karta identiteti.

Policia thotë se ngjarja po hetohet nga prokuroria, ndërkohë që një prej kandidatëve të PS në këtë qark ka vëllain drejtues në Prokurorinë e Rrethit të këtij qyteti.

Ndaj kjo ngjarje duhet hetuar nga SPAK e jo nga prokuroria e rrethit Elbasan e cila ka konflikt interesi, pasi siç thamë njeri prej kandidatëve të PS, është vëllai i kryeprokurorit të Elbasanit.

Kjo dosje duhet kaluar në SPAK si hetim, pasi PD-ja akuzon se kjo është një përplasje mes tyre dhe bandës së PS-së që blen vota.

Persona të plagosur:

Emiljan Prenga, 39 vjeç

Pavlo Vuksani, 50 vjeç

Eltjon Bodinaku, 32 vjeç

Xhensila Sota, 27 vjeçe ( punonjëse e policisë).

Deklarata e Policisë së Shtetit për ngjarjen në Elbasan

Elbasan/Informacion paraprak

Më datë 21.04.2021, rreth orës 14:00, në lagjen “5 Maji”, Elbasan, gjatë një konflikti është vrarë me armë zjarri shtetasi P. XH., si dhe janë plagosur shtetasit E. P., P. V. dhe E. B.

Gjithashtu, në përpjekje për të parandaluar krimin është plagosur edhe punonjësja e Policisë e forcës së posacme “Shqiponjat”, XH. S.

Menjëherë në ndihmë të patrullës kanë shkuar shërbime të tjera të Drejtorisë Vendore dhe të Komisariatit të Policisë Elbasan, si dhe janë ngritur pika kontrolli në të gjtiha akset rrugore në hyrje dhe dalje të qytetit të Elbasanit.

Gjithashtu, menjëherë është ngritur një grup i posaçëm hetimor i përbërë nga specialistë të hetimit të krimeve kundër personit në Drejtorinë Vendore të Policisë Elbasan, të Drejtorisë sē Krimeve Kundēr Personit e Pasurisë në Drejtorinë e Përgjithshme të Policisë së Shtetit dhe nën drejtimin e Prokurorisë së Rrethit Gjyqësor Elbasan po vijon intensivisht puna për fiksimin dhe administrimin e çdo prove materiale që do t’i shërbejë zbardhjes dhe dokumentimit të ngjarjes.

Ndërkohë janë shoqëruar në Drejtoritë Vendore të Policisë Elbasan dhe Tiranë, disa persona të dyshuar se kanë dijeni apo lidhje me ngjarjen, si dhe është bërë e mundur vënia në pranga e autorit të vrasjes, shtetasi A. P., ish punonjës police.

Vijon puna për kapjen dhe arrestimin e personave të tjerë të përfshirë në ngjarje.

Lexoni edhe…