Presidenti Meta i përgjigjet qeverisë me shembullin e protestave në Rumani: Shqiptarët e bashkuar kundër puçistëve të zbuluar!

Një pjesë e kritikave që i janë bërë kreut të shtetit nga qeveria për manifestimin e 2 marsit janë se Presidenti nuk zhvillon tubime.

Për të rrëzuar këtë pretendim qesharak të qeverisë, Presidenti Ilir Meta ka sjellë në vëmendje sot tubimet e mbajtura tre vite më parë nga presidenti i Rumanisë kundër korrupsionit dhe kapjes së drejtësisë nga qeveria.

Në një publikim në Facebook, Presidenti Ilir Meta shprehet se: “Presidenti rumun ju bashkua protestave të mëdha popullore kundër korrupsionit, arbitraritetit, vendimeve të marra në errësirë, ndryshimeve mafioze të legjislacionit në fuqi nga deputetët legjitimë, por në konflikt të hapur interesi, si dhe pastrimit të politikës nga kriminelët. Për të gjithë ata që bëjnë sikur harrojnë, po u sjell në vëmendje rastin e freskët të këtij shteti anëtar të NATO-s dhe BE-së, ku Presidenti dhe populli protestuan së bashku kundër qeverisjes së mbrapshtë”.

Presidenti Meta shprehet se nëse ne Rumani, Presidenti dhe populli u detyruan të dilnin në protestë për një situatë aspak normale, në Shqipëri situata është aq herë më e rëndë, sa Presidenti së bashku me popullin duhet të dilte çdo ditë në shesh.

Mesazhi i plotë i Presidentit Ilir Meta në Facebook:

Kujtoj se vetëm 3 vite më parë, Presidenti i Rumanisë mike, vend anëtar në NATO dhe në Bashkimin Europian, doli në protestë në mbrojtje të shtetit ligjor dhe kundër dhunimit të Kushtetutës nga një mazhorancë dhe Parlament plotësisht kushtetues.

Presidenti rumun ju bashkua protestave të mëdha popullore kundër korrupsionit, arbitraritetit, vendimeve të marra në errësirë, ndryshimeve mafioze të legjislacionit në fuqi nga deputetët legjitimë, por në konflikt të hapur interesi, si dhe pastrimit të politikës nga kriminelët.

Për të gjithë ata që bëjnë sikur harrojnë, po u sjell në vëmendje rastin e freskët të këtij shteti anëtar të NATO-s dhe BE-së, ku Presidenti dhe populli protestuan së bashku kundër qeverisjes së mbrapshtë.

Nuk vend në Europë pa Gjykatë Kushtetuese dhe pa Gjykatë të Lartë që prej dy vitesh.

Nuk ka vend në Europë ku një dorë e vetme, pasi kalon ligj pas ligji anti-kushtetuese, mbush zyrat e shtetit me trafikantë e kriminelë dhe ngre celula mafioze në krye të ministrisë së Drejtësisë, me qëllim për të kapur edhe drejtësinë.

Nuk ka vend anëtar të NATO-s, ku korrupsioni shkatërron çdo ditë ekonominë, ku mungon totalisht llogaridhënia në çdo nivel dhe ku është asgjesuar balanca e pushteteve.

Nëse ne Rumani, Presidenti dhe populli u detyruan të dilnin në protestë për një situatë aspak normale, në Shqipëri situata është aq herë më e rëndë, sa Presidenti së bashku me popullin duhet të dilte çdo ditë në shesh.

Ndaj për këdo që e ka harruar apo nuk do ta kujtojë rastin e Rumanisë, po ia risjell në vëmendje, duke i ftuar sërish shqiptarët në 2 mars në Bulevardin “Dëshmorët e Kombit” në Manifestimin Mbarëkombëtar, të paparë ndonjëherë në Shqipëri, kundër grushtit të shtetit.

Shqiptarët e bashkuar kundër puçistëve të zbuluar! ??

#PërKushtetutën #PërRepublikën #PërShqipërinë #PërKombin

Lexoni edhe…

• Kompozitori i madh Limos Dizdari: Edhe unë në shesh për Kushtetutën që bëmë ne socialistët
• Henri Çili: Pa Metën, skena publike do ishte me një zë të munguar. Lëvizja e tij, në interesin publik
• Lisien Bashkurti: Ja përse duhet të protestojmë më 2 Mars
• Henze: Katastrofa në drejtësi s’ka fund. Presidenti Meta ka të drejtë kur flet për grusht shteti
• “Do të jem aty”, Agron Duka: 2 marsi nuk i përket Presidentit, por qytetarëve