“Presidenti takon subjekte të OFL”, Meta del në konferencë me personazhin e videos: Ka ngritur padi në SPAK

Presidenti i Republikës Ilir Meta ka dalë ditën e sotme në konferencë për gazetarët me shtetasin Ramazan Topuzi, personi i cili shfaqet në video bashkë me Kreun e Shtetit, të cilin kryeministri Edi Rama e quajti subjekt të OFL. Meta tha se Topuzi ka ngritur padi në SPAK, teksa ka dhënë detaje për takimin në Gjirin e Lalëzit, në lokalin e kryetarit të degës së PS.

Meta akuzoi kryeministrin Edi Rama si autorin e vetëm të tensionimit të situatës.

“Mendova të bëj një konferencë të shpejtë për të dhënë dy tre sqarime për tensionin artificial të situatës që ka vetëm një autor Edvin Kristaq Ramën të gjithë të tjerët janë shërbëtorë instrumentë të tij kushdoqoftë.

Kjo situatë e çmendur në Shqipëri po sidomos këto ditë ka vetëm një përgjegjës.

Ecim te video e parë. Presidenti takon kriminelë, është budalla komplet ai se nuk di që presidenti është poliagjent i vjetër.

Ja kush është subjekti i OFL, Ramazan Topuzi ku jemi ne këtu? Në lokalin e Lesh Mesitit në fund të Gjirit të Lalëzit që djali i të cilit është edhe sot në PS.

Në shtator të vitit të kaluar se pijmë ndonjë kafe siç bëjmë shëtitje buzë detit, pse vajta unë atje? Se atij djali disa hajduta që kanë qenë dikur në LSI e kishin bërë lojërat me hipotekat i kishin thene që këto tokat ti ka marrë Ilir Meta, e kanë heq atë djalin nga video se ishte edhe ai atë ditë, 5 minuta e iku se kishte probleme familjare.

Zoti Ramazan e ka bërë padinë në SPAK për këtë cështje se ndihet i fyer që e kanë konsideruar kontigjent se përkundrazi është njeri i forcave ligjzbatuese, mos kenë merak ata se me OFL do vendoset drejtësia, si i kanë bërë ligjet ata, asnjë ligj nuk do ndryshojë. Merret me rrugacërira ndaj s’ka fytyrë të vijë në asnjë ballafaqim“, ka deklaruar Meta në konferencën për shtyp.