Shpopullimi i Shqipërisë, Luan Rama: Mosreagimi shtetëror, i pafalshëm! Mosveprimi i qeverisë, kriminal!
Zëvendëskryetari i LSI-së, Luan Rama ka reaguar lidhur me raportin e Zyrës Europiane të Azilantëve, ku thuhet se Shqipëria zë vendin e parë në botë për numrin e azilkërkuesve, duke lënë pas edhe vende që janë në luftë si Siria.
Duke iu referuar këtj raporti, Rama shprehet se mosveprimi i qeverisë ndaj këtij fenomeni është kriminal! Shpopullimi i Shqiprëisë është rrezik kombëtar!
Në vijim postimi i plotë i Luan Ramës
Shpopullimi – rrezik kombëtar!
Shqipëria, vendi i parë në botë për numrin e azilkërkuesve!
Sipas Zyrës Europiane të Azilantëve (EASO), Shqipëria zë vendin e parë në botë për numrin e azilkërkuesve, duke lënë pas edhe vende që janë në luftë si Siria, apo vende me probleme të mëdha në standardet e lirisë, demokracisë dhe të të drejtave të njeriut si Afganistani, Venezuela, Iraku etj!
Shifrat e vitit 2019 nuk kanë nevojë për koment:
Shqipëria – 59 aplikime për azil për 10 mijë banorë!
Siria – 39 aplikime për 10 mijë banorë!
Afganistani – 17 aplikime për 10 mijë banorë!
Venezuela – 14 aplikime për 10 mijë banorë!
Iraku – 9 aplikime për 10 mijë banorë!
Duke iu referuar gjithnjë të njejtit burim, pra Zyrës Europiane të Azilantëve (EASO), rezulton se në vitin 2019, aplikimet për azil nga Shqipëria ishin 22.9 mijë, me një rritje prej 2% në raport me vitin 2018, çfarë në fakt shënon rikthim në tendencën rritëse të këtij treguesi!
Shifrat janë alarmante. Ato tashmë dëshmojnë se jemi përballë një kërcënimi kombëtar, i cili nëse nuk parandalohet, do të sjellë pasoja katastrofike!
Mungesa e reagimit shtetëror është e pafalshme!
Mosveprimi i qeverisë është kriminal!
