SPAK, ku je?! Keni rastin të tregoni se nuk jeni të varur nga Rilindja
Ajo që po ndodh live në sytë e publikut, ku merret “vendim” nga këshilli bashkiak i Tiranës pa u zhvilluar mbledhja dhe duke falsifikuar gjithçka si dhe duke vjedhur një pronë publike, e ku po shkatërrojnë memorien artistike të një Kombi, duhej të kishte ndezur sirenat e alarmit për SPAK .
Një këshilltar bashkiak, Fabian Topallaj, kurajoz dhe i pakomprementuar, nxori emailet ku vërtetohet manipulimi dhe falsifikimi që po bëhet në dosjen e teatrit kombëtar. Mjaftonte vetëm kaq që SPAK-u të fillonte hetimin urgjent në një çështje të madhe e të hapur korrupsioni, por edhe si një dosje që mund të ndezë konfliktin civil në Tiranë, pasi kryeministri e ka ndarë mendjen për ta kryer aktin e krimit deri në fund.
SPAK-u nëse është vertet i pavarur siç na thotë ndonjë ambasador, pse nuk fillon hetimin, sekuestrimin e krejt provave para se të manipulohen etj?
Flitet për një megakorrupsion në disa qindra milionë euro, ndaj nëse hesht SPAK, mos na thoni më se kemi bërë drejtësi të pavarur!