SPAK-u hetim të tenderave dhënë nga Bashkia Kukës. Dyshimet për vajzën e video-skandalit

SPAK-u i ka hyrë në themel bashkisë së Kukësit, pra çdo tender dhe kush i ka fituar, po verifikohet.

Dyshimet janë nga prokuroria se video është bërë për shantazh tenderimesh, por akoma kjo mbetet në hetim.

Prokuroria e Posaçme po shikon aktivitetin e biznesit të gruas që shfaqet në një video duke kryer marrëdhënie seksuale me Safet Gjicin, në zyrën e tij të punës në Bashkinë e Kukësit.

Nga të dhënat në qendrën Kombëtare të Biznesit gruaja në fjalë në vitin 2021 ka themeluar një kompania me qendër në Tiranë, e cila ka si objekt “shërbime konsulence dhe shërbime menaxheriale për biznese të treta”.

SPAK pritet të sekuestrojë dosjet në Bashkinë e Kukësit gjatë kohës që institucioni është drejtuar nga Safet Gjici për të parë nëse gruaja në fjalë ka marrë ndonjë tender apo projekt në emër të kompanisë së saj apo personave të tretë, çka nënkupton se po hetohen edhe kontratat e fituesve te tenderave me kompanitë nënkontraktore.

Ndërkohë Bashkia e Kukësit po drejtohet nga nënkryetari Granit Gjana.