Tritan Shehu: Bolton i hoqi “petët” konspiracionit anti-shqiptar

Ish-deputeti i PD, Tritan Shehu ka reaguar lidhur me deklaratën e ish-keshilltarit të Trump, Bolton i cili u shpreh me emra për dy politikanët që kishin kërkuar shkëmbim territoresh mes Kosovës dhe Serbisë. Shehu është shprehur se Bolton i hoqi “petet” konspiracionit antishqiptar.

Postimi i plotë i ish-ministrit Tritan Shehu:

Bolton i hoqi “petët” konspiracionit anti-shqiptar! Megjithëse deklarata e mbrëmshme e Boltonit për autorët e vërtetë të teorisë së Shkëmbimit të Territoreve, alias “Serbia e Madhe”, nuk ishte e para e tij mbas asaj në Kiev, ai mbrëmë i dha “colpo di grazia” instrumentalizimit gjoja amerikan të atij konspiracioni.
Ai jo vetëm përforcoi çfarë Grenell tha për mos qënien e SHBA autore të atij plani të rrezikshëm jo vetëm për shqiptarët por dhe për Rajonin apo dhe kundërshtinë e tyre, por zbuloi të vërtetën e rëndë për disa shqipfolës si Thaçi &Co, qënien e tyre si tellallet e Vuçiç.
I njëjti mekanizëm ky që u përdor edhe për Shengenin Ballkanik, alias “Jugosllavia e Re”, përsëri kjo me autor Vuçiç dhe “promovues” Ramën, si pjesë e të njëjtit skenar të rrezikshëm, të sponsorizuar edhe nga interesa të tjera të një aleance lindore për të mbajtur Rajonin larg Perëndimit.
Në mënyrë absurde autorët serb e tellallet shqipfolës u përpoqën të krijojnë iluzionin e “përplasjeve” të forta SHBA-BE, të fusnin “pyka” midis Kosovës e Perendimit duke përdorur edhe “padinë” e fundit si “komardare” shpëtimi për atë projekt, kur në fakt ajo që rezulton deri tashti është “djegia” në dorë si e shkëmbimit të Territoreve ashtu dhe e aneksit të saj, “Shengenit” ballkanik.
Të presim për më tej….