Turqia sulmon Sirinë pas sulmit kamikaz, vdesin 12 persona: Ka ardhur ora e llogarisë!

Pas shpërthimit në një shesh të Stambollit që u mori jetën 6 personave, Turqia ka sulmuar disa qytete të Sirisë veriore mbrëmjen e djeshme. Raportimet u bënë nga forcat kurde të mbështetura nga SHBA.

Sipas mediave të huaja, sulmet ajrore kanë shkaktuar vdekjen e 12 personave. Ndërsa nuk vonoi përgjigjia nga ministria turke e Mbrojtjes, ku nëpërmjet një deklarate, u bë me dije se në shënjestër të sulmeve ishin bazat nga ku militantët kryenin sulme ndaj Turqisë.

Sipas Turqisë, sulmet janë si kundërpërgjigjie ndaj bombardimeve në Stamboll ku vdiqën 6 persona dhe u plagosën mbi 81 të tjerë. E arrestuar mbeti Alham Albashir. Gruaja me origjinë nga Siria dhe e trajnuar nga kurdët, dyshohet se është autorja e sulmit kamikaz në Stamboll.

“Ka ardhur ora e llogarisë”,–tha Ministria Turke e Mbrojtjes në një postim në Twitter gjatë orëve të para të ditës së sotme.

Por bazat që sulmoi mbrëmë Turqia janë në zonën që SHBA jep mbështetje!