VIDEO/Presidenti Meta denoncon fakte tronditëse për shantazhet që qeveria u bënë bizneseve

Presidenti Ilir Meta ka dalë në një konferencë urgjente për mediat lidhur me shantazhet që qeveria “Rama” u bën bizneseve dhe qytetarëve për të manipuluar votat.
Presidenti Ilir Meta publikoi para mediave denoncimin e një biznesmeni, i cili është gjobitur nga institucionet e shtetit, vetëm sepse ishte shfaqur në një takim me drejtuesit e LSI.
Biznesmeni, Eron Mane, tregoi para mediave në presidencë gjithë kalvarin e tij me gjobat nga policia.

Nga selia e Presidencës, kreu i shtetit tha se i riu Erjon Mane, ishte kontrolluar nga patronazhistët në rrjetet sociale ku kishte publikuar një foto me një nga drejtueset e LSI-së dhe se kjo sipas Presidentit kishte shërbyer si motiv për t’i vënë gjoba të shumta. “Ditën e shtunë marr një mesazh nga një qytetar. Kam diçka shumë serioze nga patronazhistët. Kam kaq kohë që biznesi im kërcënohet dhe gjobitet herë pas here dhe sot e kuptova. Dua të përballem në emision të drejtpërdrejt me ndihmën tuaj.

Nuk më tremb asgjë, as gjobat e këtyre horrave. Më i shkatërruar se jam. Të gjobitesh në 2001 pse ke nxjerrë foton e një politikani dhe të të vënë gjoba është për të ikur për azil. Tani e kuptuat pse është të ikësh natën.

Dhe më sjell një bisedë midis atij dhe Blendi Gonxhes. Më çon foton e kryetares së LSI-së. Postimi ka dy muaj dhe ma dërguan tani. Zotëria është këtu. Unë e ftoj të vij dhe ta sqaroj nga afër. Është një situatë tepër skandaloze se si patronazhistët ndjekin dhe survejojnë qytetarët e Shqipërisë. Se si bëjnë postime dhe pastaj shihet çfarë halli kanë. Më pas fotot, i dërgohen drejtorive përkatëse. Çdo gjë që ndodh ty e kam personale me bablokun e Rilindjes”, tha Presidenti.