Vuçiç “paralizon” Tiranën! Shoferët u bien borive dhe thërrasin “Rama ik”

Ka shkaktuar koas dhe paralizim të qarkullimit rrugor në Tiranë ardhja e presidentit serb, Aleksandër Vuçiç dhe kryeministrit të Maqedonisë, Zoran Zaev, në kuadër të të ashtuquajturit “Samiti i mini-Shengenit Ballkanik”.

Siç shihet dhe në videon e mëposhtme të realizuar nga një qytetar në sheshin “Wilson” është rënduar trafiku, duke sjellë irritimin e shoferëve, të cilët u kanë rënë pa pushim borive të makinave.

Kjo situatë kaotike u krijua për shkak të lëvizjes së krerëve politikë nga hoteli ku takuan pak orë më parë afër Parkut Olimpik.

Në video dëgjohen edhe thirrjet “Rama ik”, të cilat muajt e fundit po ushtojnë ngado, përfshirë këtu edhe stadiumet.

Ndërsa një prej këmbësorve dëgjohet duke thirrur: Kosova është Shqipëri.