Zjarr në pyllin me pisha, Belinda Balluku poston pamjet: Zjarrvënia e qëllimshme dënohet nga Kodi Penal

Zjarri që ka përfshirë prej ditës së djeshme një pyll me pisha që shtrihet mes Patosit e Mallakastrës, po mbahet nën kontroll nga Emergjencat Civile në bashkëpunim me forcat e tjera nga dy bashkitë e përfshira. Zv/kryeministrja, njëherësh ministre e Infrastrukturës dhe Energjisë, Belinda Balluku thotë se tashmë dhe një helikopter i ka ardhur në ndihmë trupave të ndodhura atje që nga dita e djeshme.

Postimi i plotë

Zjarri që ka përfshirë prej dje një pyll pishash që shtrihet mes Patosit e Mallakastrës, po kontrollohet nga Emergjencat Civile në bashkëpunim me forcat e tjera nga dy bashkitë e përfshira.

Tashmë dhe një helikopter i ka ardhur në ndihmë trupave të ndodhura atje që nga dita e djeshme.

Të gjithë po bëjnë maksimumin që këto sipërfaqe të mëdha të këtij pylli, që shtrihet mes Lofkëndit e Drenies, të mos dëmtohen më tej.

Zjarrvënia e qëllimshme dënohet nga Kodi Penal!