5 ushqime që ndihmojnë në luftën kundër stresit

Për të menaxhuar stresin, ekspertët rekomandojnë meditim, ushtrime të rregullta dhe gjumë cilësor. Po aq i rëndësishëm mund të jetë dhe kontributi i ushqimit të duhur në uljen e stresit dhe ankthit.

Avokado

Është i pasur me acide yndyrore të pangopura, të cilat luftojnë inflamacionin në trup, por edhe me shumë përbërje të tjera anti-inflamatore. Yndyrnat e shëndetshme të avokados ndihmojnë në mbajtjen e trurit të hidratuar dhe lidhen me uljen e presionit të gjakut.

Çokollata e zezë

Çokollata e zezë ka qenë e lidhur me nivele më të larta të serotoninës. Është gjithashtu e pasur me magnez, i cili zvogëlon stresin. Kjo nuk do të thotë të konsumoni çokollatë pa kriter, por një copë e vogël me 70-85% kakao mund t’ju ​​bëjë mirë.

Arrat e shqemës

Arrat e shijshme janë të pasura me zink, një element që luan një rol të rëndësishëm në menaxhimin e stresit nga truri. Është zbuluar se njerëzit me stres kronik tregojnë shenja përmirësimi kur marrin suplemente zinku.

Grejpfrutat

Grejpfrutat janë të pasura me vitaminë C, e cila ul nivelet e kortizolit në trup, si dhe efektet fizike dhe psikologjike të stresit. Nëse nuk ju pëlqen grejpfruti, provoni portokall, i cili është gjithashtu i pasur me vitaminë C.

Perimet me gjethe jeshile

Perimet jeshile, të tilla si spinaqi dhe brokoli, janë të pasura me acid folik, një lëndë ushqyese që ndihmon në ruajtjen e niveleve normale të serotoninës. Asparagus gjithashtu përmban nivele të larta të kësaj vitamine të tretshme në ujë. /abcnews.al