Alienët do ta shkatërrojnë Tokën sikurse Marsin

Sipas fizikanit Dr.John Brandenburg ata do të na shkatërrojnë pasi jemi “shumë të zhurmshëm”. Për këtë teori ai është mbështetur në përqëndrimin e lartë të Xenon-129 në atmosferën e Marsit.

Kjo teori ishte prezantuar në Shoqërinë Amerikane të Fizikës në Illinois, SHBA.

Dr.Brandenburg kishte thënë se gjurmët e larta të uraniumit dhe toriumit në sipërfaqe të Marsit mbështetin teorinë, se jeta në Mars është shkatërruar.

Edhe pse këto janë materiale natyrore që gjenden kudo, fizikanti Brandenburg është i bindur prania e tyre në sipërfaqen e Marsit është rezultat i një shpërthimi bërthamor që shfarosi marsianët.

Fizikanti thotë se dikur Marsi kishte një klimë të ngjashme me atë në Tokë dhe se ka pasur mundësi për bimësi dhe jetesën e kafshëve. Sipas tij, nëse nuk do të ishte shkatërruar jeta në Mars tani do ishte më e përparuar sasa ajo e egjiptianëve të lashtë.

Teoria thotë se raca aliene që zhduku Marsin tani mund të synojë ta bëjë këtë me Tokën, pasi ata janë armiqësor me qytetërimet e reja dhe të zhurmshme, si ky i joni.