Amerika, me numrin më të madh të beqarëve se në çdo kohë të historisë moderne

Një nga shqetësimet kryesore gjatë izolimit në këtë periudhë pandemie ka qenë edhe mundësia e rritjes së divorceve për shkak të qëndrimit të gjatë bashkë të çifteve.

E në mungesë të kësaj statistike, një fakt interesat vjen nga Amerika.

Sebi Fishta, psikolog në SHBA, në një intervistë për Ora News thotë se SHBA-të kanë numrin më të madh të beqarëve se në çdo kohë tjetër të historisë së botës perëndimore dhe studimet kanë treguar se beqarët që kanë jetuar vetëm gjatë kësaj periudhe kanë raportuar probleme më të rënda mendore.

Fishta: Mosha mesatare e martesës në Amerikë është 28 vjeç. Ka më shumë beqarë se çdo kohë në historitë moderne të botës perëndimore. Në studimet e para që vinë nën izolim, ata që janë beqarë dhe jetojnë vetëm kanë raportuar probleme më të rënda mendore se ata që jetojnë në çift, me familje, apo më dikë tjetër.