Atletja amerikane, me perçe në Lojërat Olimpike

Ajo duket se do të bëjë histori këtë verë në Rio de Janeiro, kohë kur do të mbahen Lojërat Olimpike.

Fjala është për Ibtihaj Muhammad, e cila është atletja e parë amerikane me perçe, që do të marrë pjesë në këtë event sportiv të rëndësishëm ndërkombëtar.

Ajo e ka përshkruar arritjen e saj atje me thënien se as gjinia, as raca apo feja, nuk duhet t’i largojnë sportistët nga ëndrra e tyre.

“Me këtë, dua të dëshmoj se me punë mund të arrihet çdo gjë dhe se dua që jem shembull për të gjithë pa marr parasysh gjini, fe apo racë”, tha 30-vjeçarja që mban mbulesën e njohur të femrave të besimit mysliman.