Audi A4 i ri sjell ndryshime të mëdha

Revista e njohur gjermane “AutoBild” shkruan se gjiganti i veturave, Audi, për vitin 2019 do të përgatisë versionin facelift për gjeneratën aktuale të modelit A4.

“Auto Bild”, po ashtu, thotë se fjala është për një “mega facelift” (një ndryshim i madh), dhe arsyeja për kaq shumë ndryshime është shitja e dobët e A4 për dallim nga BMW Series 3 dhe Mercedes C-Class.

Fotografitë që i shohim, tregojnë se si mund të duket A4 i ri, i cili do të vazhdojë të ofrohet edhe në version Sedan dhe Caravan (Avant).

Gjithashtu, pritet që A4 i ri të jetë në dispozicion edhe në version plug-in hibrid.

Detajet më të hollësishme në lidhje me Audi A4 facelift për 2019-ën, ende nuk janë zbuluar.