Burri mban në krahë trupin e gruas së vdekur për milje të tëra

Një burrë në Indi u detyrua të mbante në krahë trupin e gruas së tij të vdekur për milje të tëra, pasi spitali në të cilin ajo ndërroi jetë nuk u siguroi transport për ta kthyer trupin e saj të pajetë në fshat. Duke mos pasur para për të paguar një makinë , Dana Manjihi, eci rreth 10 kilometra në këmbë me trupin e së shoqes në krahë.

Nëpër të nxehtin e temperaturave të verës, ai e mbajti trupin e gruas të mbështjellë në një çarçaf blu, mbi shpatull. Ai ishte i shoqëruar nga vajza e tij 12-vjeçare që qante e dëshpëruar për fatin e nënës së saj. Gruaja Amang Dei, 42 vjeç, vdiq nga turbekulozi të enjten në darkë në një spital në shtetin lindor të Odishas.