Cilat janë gjërat për të cilat nuk duhet të bëni kurrë kompromis në çift

Është e lehtë të biesh në dashuri, por përgjegjësia e funksionimit të një marrëdhënie në çift është shumë herë më e madhe dhe kërkon shumë punë e përpjekje. Për hatër të dashurisë partnerët bëjnë kompromise më njëri tjetrin dhe me veten e tyre duke toleruar disa gjëra dhe duke rënë dakord në disa të tjera. Këtu përfshihen heqja dorë edhe e shumë dëshirave personale. Mirëpo ka disa gjëra që asnjë nga partnerët nuk duhet të pranojë kurrsesi.

1-Heqja dorë nga ëndrrat tuaja: Kompromisi dhe sakrica është pjesë përbërëse e çdo marrëdhënieje të shëndetshme. Por kjo nuk duhet të thotë të hiqni dorë nga qëllimet tuaja profesionale dhe personale. Një partner mbështetës duhet t’ju ndihmojë të ndiqni ëndrrat dhe pasionet tuaja.

2-Të hiqni dorë nga marrëdhënia juaj me miqtë apo familjarët: Ndërsa është e natyrshme që marrëdhënia juaj me partnerin tuaj të jetë prioriteti juaj numër një, miqtë dhe familja juaj janë pjesë e rëndësishme e sistemit tuaj të mbështetjes. Ju kurrë nuk duhet të bëni zgjedhje mes të dyve.

-Tolerimi i mos respektimit: Të gjitha çiftet debatojnë dhe zihen, por askush nuk ka të drejtë t’ju ofendojë, mos respektojë apo keqtrajtojë pse
nuk është dakord me atë që ju thoni.

4-Të hiqni dorë nga vetvetja: Të jesh me dikë do të thotë të kesh lirinë të jesh vetvetja dhe të shprehësh pa patur frikë për t’u ndjerë i,e gjykuar. Nëse keni për të fshehur disa aspekte të personalitetit tuaj për të kënaqur dikë ose për shkak se jeni të frikësuar atëherë
mendoni vërtetë se dëshironi të jeni në atë marrëdhënie?