Dëgjonte zhurmat në tavan, mëson se aty jetonte një i pastrehë

Një grua në Virxhinia të SHBA-s dëgjonte zhurma në tavanin e shtëpisë së saj dhe pasi njoftoi policinë mori vesh që aty jetonte një i pastrehë. Banorja e shtëpisë ka thënë se kur kishte dëgjuar në fillim zhurmat nuk ju kishte kushtuar vëmendje, pasi që pronari mbante gjëra të tij personale aty, prandaj kishte menduar që zhurmat i shkaktonte ai. Pasi kishte biseduar me pronarin, gruaja e cila dëshiron të mbetet anonim, kishte vendosur të njoftonte policinë dhe kishte kuptuar se në tavanin e shtëpisë së saj jetonte një i pastrehë 60 vjeçar, shkruan FoxNews. Policia ka marrë në paraburgim personin në fjalë, i cili akuzohet për hyrje me forcë. Policia nuk e di saktë se për sa kohë ai ka qëndruar brenda në shtëpi, por besohet se ka qëndruar për një kohë të gjatë.