‘Despacito’ kënga më transmetuar e të gjitha kohërave

Despacito e Luis Fonsi dhe Daddy Yankee është bërë kënga më e transmetuar e të gjitha kohërave, vetëm gjashtë muaj pasi u publikua. Hiti ka arritur 4.6 miliardë shikime në të gjitha platformat ku transmetohet muzikë duke kaluar këngën e Justin Bieper ‘Sorry’ e cila mbante titullin deri tani.

“Ajo çfarë po ndodh me këtë këngë është çmenduri,”-është shprehur Fonsi. “Nuk e kisha menduar kurrë se do të arrinte të bëhej hit botëror. Kur po shkruaja tekstin thjesht mendoja që ti bëja njerëzit të kërcenin.”

Suksesi global i këngës së tij, që ka arritur të jetë nr.1 në 35 vende, përfshirë Britaninë e Madhe, sipas 39-vjeçarit është bashkimi  i njerëzve dhe kulturave.

“Kjo është ajo që më bën krenar, pasi jetojmë në një kohë kur njerëzit duan që të na ndajnë duke ndërtuar mure.”