E fiksuar pas belit të hollë, nuk e heq korsenë as gjatë marrëdhënieve seksuale

Një ish-veterane humbi format e saj trupore pasi solli në jetë binjakët e saj, ndërsa tani vesh një korse për 23 orë që të arrijë belin e hollë.

Diana Ringo nga Kalifornia tha se e heq pajisjen vetëm kur bën dush dhe palestër, në asnjë rast tjetër, përfshirë marrëdhënien seksuale.

39-vjeçarja filloi përdorimin e kësaj korseje para 3 viteve, kur lindi djemtë që tani janë 4 vjec, Armand dhe Lorenz.

Ajo tregoi se pas shqetësimeve që kishte në fillim, tashmë bashkëshorti e mbështet por pranon se nuk dëshiron që beli i saj të zvogëlohet më shumë.

“Nuk isha e lumtur me trupin tim, sepse isha shumë e shëndoshë. Nuk ka asgjë të keqe nëse je e shëndoshë, për aq kohë sa nuk cënohet feminiliteti. Por pas lindjes une fitova karakteristikat e një trupi mashkulli dhe nuk isha aspak rehat me atë pamje”, tha ajo për Dailymail.

Korseja e belit u bë e njohur për të gjithë pasi u përdor nga Kim Kardashian, një prej femrave më të komentuara në shoëbiz për format e bëshme trupore.