E puthi Papa, foshnjës i zvogëlohet tumori

Gazeta “Bild” shkruan se një foshnjë 1-­vjeçare, e cila ka lindur më një tumor në tru, është përmirësuar ndjeshëm, pas puthjes që i dha Papa Françesku, gjatë vizitës së tij në Filadelfia.

Sipas mjekëve, Gianna e vogël ka pak shpresa për t’ia dalë, pasi ajo është prekur nga një tumor i rrallë, për të cilin nuk ka trajtim. Por prindërit e vogëlushes, amerikanët Joey dhe Kristen Masciantonio, vizituan një paradë të Papës në Filadelfia.

Ati i Shenjtë ia hodhi sytë krejt papritur foshnjës, u ndal dhe e puthi në mes të kokës. Pas kësaj puthjeje, duket se ndodhi mrekullia, pasi sipas mjekëve, tumori ka nisur të tkurret.

Kur bënë skanimet këtë muaj, prindërit nuk u besonin syve, pasi tumori ishte zvogëluar aq shumë sa mezi dukej. Babai i vajzës është i bindur se bëhet fjalë për një mrekulli.

Nëna e saj thotë: “Ajo po bëhet çdo ditë më mirë. Arrin të puthë dhe tregon gjërat me gisht”.

A e shëroi Papa vajzën e vogël?! Edhe pse asgjë nuk është ende e sigurt, Gianna ka nisur rrugën drejt rimëkëmbjes dhe shpreson për një jetë normale.