Google paralajmëron përdoruesit se do të humbasin gmail-et e tyre

Google ka vendosur të fshijë mijëra llogari jo aktive në Gmail duke filluar nga muaji i ardhshëm.

Sipas Google, përdoruesit që nuk kanë hyrë në llogarinë e tyre prej të paktën 2 vitesh, do të humbasin email-et dhe gjithçka tjetër të lidhur me të, përfshirë fotot dhe videot.

Politika e re e sigurisë u njoftua në muajin maj dhe tashmë Google po dërgon njoftime të shumta te përdoruesit që rrezikojnë humbjen e llogarisë. Procesi i fshirjes së tyre nis më 1 Dhjetor.

Një nga përfaqësuesit e Google është shprehur se kjo “limiton kohën që platforma ruan informacionin tuaj personal”.