Harta e akneve në fytyrë, çfarë tregojnë për shëndetin

Aknet janë një problemet që shpesh hasin njerëzit pavarësisht kujdesit për lëkurën. Por, studimet kanë treguar se ata janë tregues të shumë problemeve të shëndetit.   Sipas Agroweb, vendi ku shfaqen puçrat në lëkurë, tregojnë një problem shëndetësor tek një organ i caktuar, shkruan abcnews.al.

Puçrat që dalin në zonën mes vetullave, tregojnë se mund të keni konsumuar ushqime me yndyrë për disa ditë, por dhe mund ta keni tepruar me alkoolin. Puçrat në faqe shfaqen zakonisht kur keni qëndruar për një kohë të gjatë në një ambient me ajër të ndotur.

Edhe mbajtja më shumë seç duhet e telefonit në vesh dhe prekja e fytyrës mund të shkaktojnë puçra në faqe. Për këtë arsye, ju duhet ta pastroni fytyrën rregullisht dhe ta hidratoni atë. Ndërsa puçrat në mjekër, tregojnë luhatjet hormonale për shkak të ciklit menstrual.

Gjithashtu një rëndësi të madhe ka dhe koha e shfaqjes së tyre. Shfaqja e puçrave në mëngjes mund të jetë shkak i moslarjes së fytyrës në mbrëmje. Por, gjithashtu shkaktohen dhe nga konsumimi i ndonjë ëmbëlsire apo ushqimi tjetër që nuk është tretur mirë.

Nëse shfaqen pasdite, kjo vjen si pasojë e hormoneve dhe ciklit menstrual, apo dhe nga kremi që përdorni. Nëse shfaqen në mbrëmje, kjo tregon se fytyra është ndotur shumë gjatë ditës. Prandaj, është e nevojshme ta lani fytyrën sapo të mbërrini në shtëpi. /abcnews.al/