Humbi veshin, doktorët i “mbjellin” një të ri në krah

Në nëntor të vitit të kaluar doktorët në Kinë vendosën të mbjellin një vesh artificial në dorën e një burri që kishte humbur veshin e tij.

Në këtë mënyrë, pasi veshi të zhvillohej nën lëkurën e krahut mjekët mund të kishin mundësinë ta rikthenin aty ku kishte qenë veshi i vërtetë.

Doktorët ia kanë arritur ta modelojnë veshin me anë të printimit 3D duke përdorur një nga brinjët e pacientit.

Përgjatë një operacioni që zgjati 7 orë këtë javë, doktorët larguan veshin nga dora e pacientit dhe e transplantuan atë në anën e majtë të kokës së tij.

Ky vesh artificial do të jetë në gjendje t’i kryejë të gjitha funksionet që një vesh normal parashihet të kryejë.