Kopshte në qiell, njihuni me arkitekturën ekologjike

Me ballkonet që lulëzohen nga pemët, “Bosco Verticale” ose “Pylli Vertikal” është një risi në atë që quhet “Xhungël Urbane”. Teksa banorët e qyteteve ndjehen gjithnjë e më të shtrydhur në hapësirat urbane, dy kullat binjake në Milano, Itali ofrojnë një vizion të ri dhe qetësues se si kullat urbane mund të duken në të ardhmen. Të dizenjura nga arkitekti Stefano Boeri, kullat të cilat ngrihen deri në lartësitë e 116-76 metrave, mbajnë rreth 800 pemë dhe 14.000 bimë të vendosura në ballkonet e forcuara me çelik. Projekti u ideua si një alternativë e re e shtrirjes urbane, duke u nisur nga ndikimi negativ që ka sjellë ndotja urbanë në jetën dhe shëndetin e qytetarëve në zonat urbane.