Ky burrë mban darkë për 500 të panjohur në natën e Krishtlindjes, nuk j’ua merr mendja arsyen

Krishtlindja duket se është periudha që duhet të kalojmë kohë me familjen,por nëse nuk e keni një familje për Krishtlindje?

Poeti Lemn Sissay, i cili u rrit në shtëpinë e fëmijëve,  po përpiqet të sigurohet që ata që janë në shtëpi kujdesi të mos e vetëm Ditën e Krishtlindjes.

Shkrimtari, nga Greater Manchester, punimet e mëdha të të cilit zbukurojnë muret dhe trotuaret e qytetit, shpreson që festivali i tij i Krishtlindjeve të ndihmojë në krijimin e kujtimeve pozitive të periudhës festive për mysafirët e tij.

Ai thotë se mund të jetë një kohë e vështirë për ata që jetojnë ose kanë jetuar në shtëpi kujdesi apo jetimore.

“Mbaj mend që kisha një radio kur isha në shtëpinë e fëmijëve  dhe për Krishtlindje ajo nuk po funsiononte  dhe unë u ndjeva aq i lënduar “- thotë Sissay.

“Jo sepse nuk funksiononte, por për shkak se askush nuk interesohej shumë për atë që më kishte ndodhur”.

Ai tha se ishte frymëzuar nga një darkë e Krishtlindjeve që kishte parë në Londër, drejtuar nga Projekti Tope, një skemë vullnetare për të luftuar vetminë për ata që ishin në jetimore.

“Doja që kjo të ishte edhe në Mançester,” shpjegon ai.

“Ne filluam me asgjë, përveç imagjinatave tona dhe besimit në veten tonë dhe kjo ndodhi”.

Këtë vit do të ketë darka në Birmingam, Canterbury, East Sussex, Hackney, Islington, Leeds, Manchester, Oxford, Richmond, Sheffield, Stockport dhe Wirral, duke u shërbyer rreth 500 njerëz.

Secili është i organizuar nga vullnetarët vendorë të cilëve iu është dhënë një udhëzues nga poeti për t’i ndihmuar ata të planifikojnë ditën.

“Dita e Krishtlindjeve mund të jetë një ditë shumë e vështirë për të rinjtë që kanë lënë shtëpinë e fëmijës”, thotë Sissay.

“Ka të rinj që nuk kanë ku të shkojnë dhe në atë ditë kanë një ndjenjë më të madhe humbjeje”.

“Ka të bëjë me dhurimin e një buzëqeshje dhe t’i bëjnë ata të dinë se kanë rëndësi në atë ditë”.

Këtë vit, Fondacioni Lemn Sissay është krijuar si një bamirësi e regjistruar, e cila siguron të ardhmen e ngjarjes.

Autori me çmime e përshkruan atë si “trashëgiminë e tij personale” dhe thotë se çdo darkë përpiqet të bëjë çdo individ të ndihet i veçantë.

“Gjithçka është bërë me detaje , kartolina të shkruara për çdo person, dhurata të zgjedhura për atë person, në mënyrë që ata të ndjejnë gëzim dhe befasi” – thotë ai.