“Një kuti e mbushur me puthje” – Historia emocionuese e Krishtlindjes që do ju përlotë

Historia ka ndodhur  disa kohë më parë, kur një baba ndëshkoi vajzën e tij të vogël 3 vjeçare vetëm sepse ajo harxhoi shumë letër për të mbështjellë një dhuratë.

Babai u inatos kur vajza e tij u përpoq të zbukuronte një kuti për ta vendosur poshtë pemës së Krishtlindjes. Gjithsesi, mëngjesin tjetër vajza e vogël ia dhuroi kutinë babait të saj dhe i tha: ”Kjo është për ty, babi.”

Burri u turpërua për sjelljen e tij të mëparshme, por zemërimi i tij u rikthye sakaq kur zbuloi se kutia ishte bosh. Ai i bërtiti vajzës duke i thënë:”Nuk e di që kur i jep dikujt një dhuratë, supozohet të ketë diçka brenda kutisë ?”

Vajza e vogël e pa me lotë në sy dhe i tha :” OH, babi, nuk është bosh. Unë e mbusha plot me puthje kutinë. Janë të gjitha për ty babi.”

Babai i prekur e mori vajzën në krahët e vet dhe iu lut që ta falte.

Pak kohë më vonë, për shkak të një aksidenti me makinë vajza e vogël humbi jetën.

U tha se babai i vet e mbajti kutinë e puthjeve përgjithmonë me vete dhe sa herë që nuk kishte motiv për të jetuar e hapte kutinë dhe nxirrte një puthje imagjinare prej saj. Kështu kujtonte se sa shumë dashuri vajza e tij kishte vendosur aty.

Gjithsecili nga ne, i ka dhënë një kuti të mbushur me dashuri pa kushte fëmijëvë, familjes, shokëve… Dhe nuk ka asgjë më të çmuar se kjo në jetë!