Njerëzit më të pasur në botë humbasin miliarda dollarë brenda natës – Koronavirusi ul çmimin e aksioneve të kompanive

Jeff Bezos humbi 7 miliard dollarë pasuri brenda natës, dhe më shumë se 18 miliard dollarë gjatë muajit të kaluar, pasi çmimi i aksionit të Amazon ka rënë me 7% nga frika se shpërthimi i koronavirusit do të ngadalësojë ekonominë globale.

Shqetësimet për koronavirusin kanë trazuar tregjet dhe shkatërruan qindra miliarda pasuri nga miliarderët e botës gjatë muajit të kaluar. Por rëniet e natës së kaluar, të nxitura nga një rënie e çmimeve të naftës, mund të jenë humbja më e madhe e pasurisë gjatë natës në gati një dekadë.

Drejtori i Përgjithshëm i Tesla, Elon Musk, i cili shkroi nw Tweeter se “paniku i koronavirusit është memec”, ka humbur rreth 4 miliard dollarë të pasurisë brenda natës. Kjo do të sillte humbjet e tij për muajin me më shumë se 12 miliardë dollarë.

Ndoshta humbësi miliarderi më i madh nga virusi, sidoqoftë, është shefi i Louis Vuitton, Bernard Arnault. Ai humbi 6 miliardë dollarë brenda natës. Për shkak se luksi është kaq i prekshëm nga goditjet ekonomike dhe aksionet kanë rënë me 24% që nga janari.

Edhe para rënies së tregut të së hënës, 10 miliarderët kryesorë të botës kishin humbur 80 miliardë dollarë në javën e fundit të shkurtit. (CNBC)

SCAN