Njihuni me pulën që kushton 2500 dollarë

Lloji i pulave “Ayam Cemani” dallohet sepse ato janë të zeza si në pjesën e jashtme ashtu edhe në atë të brendshme. Puplat e tyre janë të zeza, sqepi, kthetrat, madje edhe mishi, kockat dhe të gjitha organet e brendshme janë të tilla.

I vetmi element jo i zi i këtyre shpendëve është gjaku, i cili ka ngjyrë të kuqe, siç është tek të gjithë kafshët, shpendët dhe njerëzit.

Vetëm një pulë ‘Ayam Cemani’ arrin çmimin deri në 2 500 dollarë, transmeton NOA. Dana Cowin, kryeredaktorja e ‘Food & Wine’, përgjigjet se kjo pulë kushton kaq shumë, “sepse është shumë elegante, e gjitha e zezë. Puplat e saj janë të zeza. Organet e saj janë të zeza. Mishi i saj është i zi.

Kështu që është shumë e veçantë, është një pulë e një race të rrallë”.

Pula ka marrë emrin e një fshati (Cemani) në Java-n Qendrore. Për ngjyrën e zezë merita është e një tipari gjenetik i njohur si “fibromelanosis”, që është karakteristikë e ‘Chinese Silkie’, një lloj pule e zezë, tepër e çmuar në Kinë.